ARRAKASTARAKO BIDEA
Antzerkia
ARRAKASTARAKO BIDEA
Julen Axpe
“Porrotetatik ikasi, barre egin eta aurrera: Athleticen istorioa futboletik harago!”Komedia ikuskizun honek Athleticen arrakastaren bila egin duen ibilbidea aletuko du, 40 urtez Gabarra atera gabe egon ondoren. Bidean, 5 final galdu! Porrotetatik ikasten bada, ikuskizun hau master batekin eta homologatutako bi unibertsitate-titulurekin ateratzen da.
SPOILER! Azkenean, Athleticek kopa irabazi zuen 40 urte geroago, baina, ikuskizun honetan, garaipena ez da garrantzitsuena, aurrera jarraitzea baizik, eta behin erorita, futboletik askoz haratago doazen ikasbideez jabetzea.
Behingoz, Julen Axpek furgoneta aparkatu du, Gabarraren lema hartu, eta antzokietara San Mameseko energia eramatea ezarri du erronkatzat!